У Мінску пройдзе канцэрт памяці Рыгора Барадуліна

Рыгор Барадулін

Канцэрт, прысвечаны памяці Рыгора Барадуліна, пройдзе 24 лютага ў Малой зале Беларускай дзяржаўнай філармоніі.

У гэты дзень споўнілася б 80-гадоў народнаму паэту Беларусі Рыгору Барадуліну. Ён напісаў тысячы вершаў і выдаў больш за 70 зборнікаў паэзіі. Песні на словы Барадуліна пісалі Алесь Камоцкі, Зміцер Вайцюшкевіч, Яўген Глебаў, Дзмітрый Смольскі, Генрых Вагнер і іншыя вядомыя музыканты і кампазітары.

Адмыслова да юбілея Барадуліна лідар гурта Vuraj і саліст Белдзяржфілармоніі Сяржук Доўгушаў падрыхтаваў праграму народных песняў Вушаччыны.

— У адну з сустрэчаў Барадулін падарыў мне маленькую кніжачку «Песні матчыны з Вушаччыны», якую ён уклаў з народных песняў роднага рэгіёна, — распавядае Сяргей Доўгушаў. — Гэта розныя песні: веснавыя, восеньскія, жніўныя, вясельныя, хрэсьбінныя, валачобныя, застольныя. Менавіта ў гэтых песнях увесь Барадулін, літаральна ўсё ягонае жыццё. Песні надзвычай глыбокія, з імі няпроста працаваць, і калі прыдумваеш да словаў музыку, песня літаральна пачынае дыктаваць свае ўмовы. Але мы з вялікім імпэтам працуем над гэтай праграмай.

У канцэрце возме ўдзел новы праект Сяргея Доўгушава і гурта Vuraj Harmonic Style, а таксама кампазітар, вядучы, артыст Белдзяржфілармоніі Вячаслаў Пяцько.

Автор: Вячеслав Радионов / Ultra-Music

Группы: Сяргей Долгушаў, Harmonic Style

Ваш комментарий

Войти через Вконтакте Войти через Facebook

Если у вас возникли проблемы с авторизацией, сообщите нам на support@ultra-music.com