Пачаўся прыём заявак на ўдзел у «Бардаўскай восені 2012»

Бардаўская восень

Фестываль беларускамоўнай акустычнай музыкі «Бардаўская восень» распачынае прыём заявак на ўдзел у кокурснай частцы фэсту.

Перанесьці адборачны тур на травень-чэрвень арганізатары «Бардаўскай восені», Звяз Беларускай Моладзі, вырашылі з тэхнічных прычынаў. Сам жа фэст традыцыйна пройдзе на Беласточчыне ў Польшчы напрыканцы кастрычніка.

З 14 траўня на скрыню adbor@vosien.org прымаюцца заяўкі на ўдзел у адборачным туры фестываля. Заяўка складаецца з анкеты ўдзельніка, фотаздымка і дэма-запісу. Дасланы запіс возьме ўдзел у адмысловым інтэрнэт гіт-парадзе «Бардаўскай восені», што пройдзе сёлета на Ultra-Music. Пераможца інтэрнэт-галасавання трапляе на фестываль у Польшчу аўтаматычна. Астатнія ж удзельнікі фэсту будуць вызначаныя прафесійным журы на адборачным канцэрце ў Менску. Канцэрт пройдзе 17 чэрвеня ў кавярні «Піўная гісторыя».

У адборы на фэст могуць узяць удзел выканаўцы любой стылістычнай накіраванасьці. Адзіным крытэрам удзелу ў «Бардаўскай восені» з’яўляецца беларускамоўнасьць выконваемых песень і бардаўскі, альбо unplugged-фармат выступлення. Заяўкі будуць прымаца да 10 чэрвеня. Пераможца інтэрнэт-галасавання, якое стартуе 11 чэрвеня, будзе абвешчаны на адборачным канцэрце ў Менску.

Пераможцы адборачнага туру напрыканцы кастрычніка выступяць з фестывальнай сцэны ў конкурснай праграме «Бардаўскай восені 2012». Фэст традыцыйна пройдзе ў Польшчы, у гарадку Бельск Падляшкі і навакольных мястэчках. Пераможцы конкурснай праграмы «Бардаўскай восені 2012» атрымаюць каштоўныя ўзнагароды.


Спампаваць анкету ўдзельніка

Источник: пресс-релиз

Темы: Бардаўская восень

Ваш комментарий

Войти через Вконтакте Войти через Facebook

Если у вас возникли проблемы с авторизацией, сообщите нам на support@ultra-music.com