«Алгарытмы»: вяртанне праз 46 гадоў

Музыка і журналіст Віктар Сямашка выклаў на soundcloud складанку песен аднаго з першых беларускіх біт-гуртоў «Алгарытмы», запісаных у 1966–67 гадах.

«Ня ведаю, ці маю я на гэта права. Але ж ніхто іншы ня зробіць. Непасрэдна да 65-годзьдзя Яўгена Канавалава пачысціў, аздобіў ды выклаў у сеціва першыя запісы ансамблю „Алгарытмы“. Тыя, што перадаў колісь сам Яўген. Назоў альбома — умоўны. Вокладка — з газэтных фотаздымкаў», — піша Віктар Сямашка.

Гурт «Алгарытмы» быў створаны ў 1965 годзе на базе Радыётэхнічнага інстытута. У яго склад увайшлі гітарысты Яўген Канавалаў і Пятро Вярлыга, басіст Ігар Крупеніа, клавішнік Вячаслаў Ксяндзоў, бубнач Міхал Голад і вакаліст Лэнхард Ёжэф Томас. У 1968 на «Першым фестывалі біт-ансамбляў Мінску» «Алгарытмы» занялі першае месца, а Яўген Канавалаў быў прызнаны лепшым сола-гітарыстам. Гурт праіснаваў да 1971 году, калі музыкі скончылі навучанне ў інстытуце.

Яўген Канавалаў працягнуў музычную дзейнасць у гуртах «Эльфы» і «Гусляры», але ў 1978 годзе сышоў у навуку. Толькі пры канцы 90-х намаганнямі Генадзя Старыкава Яўген вярнуўся ў музыку і стаў запісываць песні на хатняй студыі. Апошні раз на сцэну Канавалаў выйшаў у верасні 2010 году, а ў ноч з 7 на 8 красавіка 2011 году памёр. Пасля смерці Канавалава былі выдадзеныя два альбомы з ягонымі запісамі — «The Way» (2011) і «Hobby» (2012).

Автор: Вячеслав Радионов / Ultra-Music

Группы: Евгений Коновалов, Алгарытмы

Ваш комментарий

Войти через Вконтакте Войти через Facebook

Если у вас возникли проблемы с авторизацией, сообщите нам на [email protected]