12 чэрвеня на сцэне Вялікай залы Белдзяржфілармоніі адбудзецца завяршальны канцэрт Дзяржаўнага камернага аркестра Рэспублікі Беларусь пад кіраўніцтвам заслужанага артыста Расіі Яўгена Бушкова з праграмай «Чэрвеньскія маразы».

Праграма канцэрта — выключная па сваёй змястоўнасці. Чатыры стагоддзі музыкі ахоплены праграмай канцэрта:

• ХVІІІ стагоддзе прапануе сустрэчу з венскім класіцызмам у асобе прыдворнага кампазітара Ёзэфа Гайдна, які, мяняючы свой светапогляд, змяніў светапогляд эпохі
• ХІХе стагоддзе загучыць летам, вясною і сцюдзёнымі вечарамі ў цыкле п’ес «Поры года» П.І.Чайкоўскага
• ХХ стагоддзе падорыць сустрэчу з Альфрэдам Шнітке і ягонай шматаблічнай музыкай абвостранага сэнсу
• ХХІ стагоддзе прапануе самы «зімовы» твор беларускага кампазітара «Сярод зімы абрыс Шапэна» Ларысы Сімаковіч