Фолк-фэст «Камяніца»

15 верасня пад Мінскам на тэрыторыі Музею народнай архітэктуры і побыту адбудзецца чацвёрты фолк-фэст «Камяніца».

Праграма:

  • На галоўнай сцэне выступяць беларускія гурты: «Ліцвіны», «Крамбамбуля», FolkRoll і Наста Някрасава, «Гаротніца», Pawa, Re1ikt, Irdorath, Silver Sky.
  • Адмысловы госць — гурт «Иван Купала» (Расія) з хітамі і новым альбомам «Родина», запісаным паводле народных спеваў Палесся.
  • Сцэна аматарскіх калектываў — дзіцячыя і дарослыя хоры, ансамблі, гурты.
  • А таксама: традыцыйныя рамёствы, сярэднявечныя забавы, дэфіле і конкурс нацыянальных строяў, выставы фатографаў і мастакоў.

Месца правядзення — музей народнай архітэктуры і побыту ў пасёлку Азярцо (5 км. за аўтарынак «Малінаўка»), дзе сярод маляўнічых лугоў можна пабачыць сабраныя з усёй Беларусі драўляныя дамы і іншыя пабудовы 18–20 стагоддзяў.

Як даехаць:

  • На асабістым аўто альбо ровары (з роварам можна ўвайсці на тэррыторыю фестывалю).
  • Рэйсавымі аўтобусамі 203, 262, 363, 277, 325, 357 ад аўтастанцыi «Паўднёва-Заходняя».
  • Фестывальным аўтобусам (по заполняемости, бесплатно) ад прыпынка «Малінаўка 6» (скрыжаванне вуліц Слабадской і Громава) з 11 гадзін. Апошні аўтобус на Мінск ад’язджае ў 22:00.

Квіткі: 25 000 (для дарослых), 12 500 (для школьнікаў), вольна — для дашкольнікаў і гледачоў у нацыянальных строях. Даведкі па тэлефоне +375 33 6738397. Усе грошы за ўваход атрымлівае музей, што дапамагае яму захоўваць экспанаты. Генеральны партнёр фестывалю — ААТ «Банк БелВЭБ».