2

Vinsent і Зміцер Вайцюшкевіч запісалі сумесную песню

Vinsent і Зміцер Вайцюшкевіч «Дачакайся, матуля»

Vinsent і Зміцер Вайцюшкевіч прэзентавалі на сайце «Арт-сядзібы» песню «Дачакайся, матуля», запісаную пры ўдзеле вакалісткі гурта Apple Tea Сашы Захарык.

У аснову песні «Дачакайся, матуля» пакладзены верш народнага беларускага пісьменніка Генадзя Бураўкіна, да якога свае куплеты дадаў Vinsent.

— Да мяне звярнуўся Зміцер Вайцюшкевіч і паказаў матэрыял, які ён ужо меў. Я напісаў свае куплеты, а таксама стварыў біт і эфекты. Потым гэты трэк аздобіла сваім вакалам Саша Захарык. Увогуле, гэтая песня сімвалізуе сувязь пакаленняў. Тэкст і музыку стваралі творцы вельмі рознага веку. Мы паказваем тое, што яднае ўсіх нас, — распавядае гісторыю стварэння песні Vinsent.

Песня «Дачакайся, матуля» увойдзе ў новы альбом беларускага турэмнага шансону Змітра Вайцюшкевіча «Варанок», прэзентацыя якога адбудзецца 30 лістапада на канцэрце ў Берліне.

— Ідэя запісаць альбом турэмнай лірыкі належыць не мне самому. На такую працу мяне натхніў Генадзь Бураўкін, які і напісаў большасць тэкстаў да гэтага альбома. «Варанок» складаецца з 13 песень. 12 асноўных: адна з іх — на словы Уладзіміра Някляева, астатнія 11 — на словы Генадзя Бураўкіна, а таксама з бонусу, якім і стала сумесная праца з Vinsent’ам — песня «Дачакайся, матуля», — распавядае Зміцер Вайцюшкевіч.

Не так даўно Зміцер Вайцюшкевіч выдаў сінгл «Шо-Шо», кампазіцыі з якога ўвайшлі ў альбом «Варанок». «Шо-Шо» музыка прэзентаваў пад псеўданімам Хведар Шчавель. У новым альбоме Вайцюшкевіч вырашыў не хавацца пад псеўданімам і выдаць яго ад свайго імя.

Источник: Арт-сядзіба

Группы: Зьміцер Вайцюшкевіч, Vinsent, Саша Захарик

Ваш комментарий

Войти через Вконтакте Войти через Facebook

Если у вас возникли проблемы с авторизацией, сообщите нам на support@ultra-music.com