2

Harotnica запісала першы сінгл з новым гітарыстам

Harotnica «Finka»

Дэструктыўны пажарны аркестр Harotnica прэзентаваў на сайце «Еўрарадыё» сваю новую песню «Finka». Гэта першая кампазіцыя, запісаная з новым гітарыстам гурта Сашам Фунтам.

Песня «Finka» добра вядомая тым, хто наведвае канцэрты гурта Harotnica. Гэты трэк — своеасаблівы перадсмяротны маналог дзяўчыны, якая памірае з-за рэўнасці.

— На самой справе, пытанні жыцця і смерці заўсёды актуальныя, асабліва для нас. Ды і проста цікава ў гэтым капацца! — тлумачыць абраную тэматыку кампазіцый Андрусь Такінданг. — З аднаго боку, гэта такая наша змрочная жыццярадаснасць, а з другога — чаму б і не! Павінен быць і праект, які б размаўляў з людзьмі на табуяваныя тэмы. Таму мы вырашылі быць такімі «санітарамі лесу» і размаўляць на нязвыклыя тэмы, якія ў музыцы не так часта сустракаюцца. Гэта і змрочныя жарты, і падарожжа ў краіну падсвядомасці, і Цім Бэртан у музыцы.

Падчас працы над запісам кампазіцыі, «Finka» атрымалася іншай «і па гуку, і па духу».

— Мы нарэшце зрабілі яе такой, як нам самім хацелася, — распавядае вакалістка гурта Валерыя Валадзько. — Цяпер «Finka» гучыць у больш хуткім тэмпе ды стала іншай па гуку дзякуючы больш цяжкай гітары. Мы доўга ішлі менавіта да такога гучання і вельмі задаволеныя вынікам.

«Finka» — першая песня, запісаная з новым удзельнікам гурта гітарыстам Сашам Фунтам, вядомым па працы ў гуртах Avias, Zveno, My Ocean. Ён далучыўся да Harotnica напрыканцы мінулага году.

Источник: Еврорадио

Группы: Harotnica

Ваш комментарий

Войти через Вконтакте Войти через Facebook

Если у вас возникли проблемы с авторизацией, сообщите нам на support@ultra-music.com