Праз два дні пасля заявы аб распадзе гурта Litvintroll, чатыры ўдзельнікі гурта ўключна з вакалістам Андрэем Апановічам зрабілі іншую заяву, паведамляе Tuzin.fm.
— Інфармацыя пра распад з’яўляецца рашэннем аднаго чалавека, у руках у якога апынулася занадта шмат магчымасцяў, паролі ад соцсетак і пошты ансамблю. Нягледзячы на гэта, мы па-ранейшаму ходзім на рэпетыцыі і працуем над новым матэрыялам. Дзякуй нашым прыхільнікам за падтрымку. Мы хочам сказаць, што будзем працягваць справу, распачатую ў 2005 годзе, — вядзецца ў відэазвароце.