Яшчэ ў панядзелак папаўзлі чуткі пра тое, што юбілейны канцэрт гурта «Палац» адменены. Крыху пазней інфармацыю пацвердзілі самі музыкі.
Але сёння стала вядома, што юбілейнае шоў легендарнага беларускага гурта з нагоды 20-годдзя ўсё ж такі адбудзецца ў запланаваны дагэтуль дзень у Тэатры беларускай драматургіі. Кіраўнік тэатра Ігар Сігаў першапачаткова заявіў у інтэрв’ю «Радыё Свабода», што не так зразумеў тэлефонны званок: адбылося непаразуменне. Аднак пасля ад гэтых словаў адмовіўся.
— Журналісты не так мяне зразумелі, — кажа кіраўнік тэатра. — Наогул, не хачу зараз нічога каментаваць. Канцэрт адбудзецца! Гэта самае галоўнае. Квіткі на імпрэзу яшчэ ёсць, іх можна набыць у касах.
Самі музыкі сітуацыю пакуль не каментуюць. Толькі адзначаюць, што ў іх сапраўдны шок.
Нагадаем, што юбілейны канцэрт гурта «Палац» пад назвай «Песні любові і мудрасці» адбудзецца 26 кастрычніка ў Тэатры беларскай драматургіі. У гэты ж дзень музыкі плануюць прэзентаваць адразу два новых рэлізы — «Салдат-доктар» і «Кола грукатала».
Загадка: назавіце самае бязвольнае быдла ў таталітарнай краіне — 11 літар
(чынавенства) Яно нават камэнтаваць сябе баіцца.
Ну, хоть так!
Все дело в знаках препинания: «Провести нельзя запретить»
Ваащето всё дело в убожестве власти.