Арганізатары 25-га па ліку фэстывалю «Басовішча» вырашылі не праводзіць сёлета конкурс маладых выканаўцаў. Імпрэза адбудзецца 18 і 19 ліпеня ў Гарадку, на мяжы Польшчы і Беларусі, паведамляе Tuzin.fm.
Пакуль афіцыйна не абвешчаны ніводны ўдзельнік фэстывалю, а таксама няма зьвестак наконт візавай падтрымкі для гледачоў зь Беларусі. Арганізатары зь Villa Sokrates і «Беларускага аб’яднаньня студэнтаў у Польшчы» кажуць, што працуюць над гэтым пытаньнем, але выніку пакуль няма. Фэсту бракуе фінансаваньня, і сёлета нават зладжаны збор сродкаў на польскай краўдфандынгавай плятформе.
Дакладна вядома, што конкурсу маладых выканаўцаў сёлета ня будзе. Прадстаўнік фэсту Ганна Пякарская афіцыйна пацьвердзіла ў інтэрвію «Эўрарадыё» гэтую інфармацыю. Стаўка зробяць на выступ вядомых гуртоў зь Беларусі, Украіны і Польшчы. Лайн-ап агучаць у чэрвені.
Фіолет хачу :)
RIZUPS хачу :)